عايز تكون كتابتك للرواية أسهل؟
كتير بتنتهي من قراءة رواية وانت مش فاهم الكاتب عايز إيه؟ ايه اللي كان شاغله وكان عايز يعبر عن إيه؟ الأمر ده مالوش علاقة بسهولة أو صعوبة قراءة الرواية. في روايات صعبة لكن فكرتها واضحة ورسالتها بتصل وجدان كل من يقرأها. وفي روايات خفيفة لكن مالهاش فكرة بالمرة، أو فكرتها ركيكة كأنها مكتوبة لتواكب تريند معين أو لأن الكاتب حد قاله لازم تنشر، أو لأن الكاتب مش محدد هو عايز إيه وبيكتب للكتابة فقط بدون أي إطار درامي حقيقي.
لو عايز تكون كتابتك للرواية أسهل يبقى ضروري يكون عندك أربع عناصر دراما أساسية لأي عمل أدبي.
1-الشغف: الشغف هو الفكرة اللي بتهفو لها روحك، لازم تكون ممتلئ بيها ومش عارف تعيش وانت شايلها، بتؤرقك وبتقض مضجعك، حتى لو كانت بسيطة. صدقها وشعورك العالي بها هو الشغف. وحتى لو إتكررت في عدة أعمال هتقدر تكون طازجة كل مرة.. طالما إنك لم تفقد إيمانك بها. قرأت مرة إن بداخل كل كاتب رواية واحدة يكتبها آلاف المرات. حتى لوتعددت الطرق لكن الشغف بيكون واحد.
2-الرسالة: الرسالة مش مقصود بيها تماما أنها لابد تكون رسالة أخلاقية، لكن أي عمل بلا رسالة هو مجرد بقعة متسعة من السرد. الرسالة هنا معناها جملة واحدة ملخصة عن ما أردت أن تقوله في عملك. رسالة روحية أو اجتماعية أو فلسفية أو إستنتاج أو فكرة ملحّة أو مقولة بتؤمن بها. الرسالة لا تكتب في الرواية لكن تظهر للقارئ من خلال النص. لو دورت في أي عمل أدبي ناجح وعظيم ضروري تلاقي له رسالة حتى لو من كلمة واحدة "ماتخفش" على سبيل المثال. بالطبع ممكن يكون العمل فيه أكتر من عبرة أو رسالة.
3-العلّة: المقصود بيها العيب في شخصية البطل. بدون عيب في شخصية البطل الرواية هتفقد أهم عنصر في الدراما. الأبطال المثاليين شخصيات غير حقيقية ومش ممكن يتعاطف معاهم القارئ أو يشعر بهم لأنهم مش شبهه والقارئ دائما يبحث عن شبيهه. كذلك الأشرار في الأعمال الأدبية ضروري يكون لهم جانب خيّر. العلّة هي سبب تغير البطل ومقاومته ووصوله لنقطة فارقة..وهي سبب كتابة الرواية. على سبيل المثال؛ عدم الثقة في النفس، عدم القدرة على التجاوز، السذاجة، العناد، عدم القدرة على المواجهة، الشعور بعدم الأمان.
4-الإفتراض الأساسي. إذا كانت الرسالة مثلًا "الحب دائمًا يكسب" فالإفتراض الأساسي سيكون "إذا كان حبها قويًا كفاية لإستطاعت أن تكسب حب وحش"، الإفتراض الأساسي هو ما يحدث والرسالة هي ما يعنيه الحدث. الرسالة هي ما يريد أن يقوله الكاتب لكن الإفتراض الأساسي هو كيف سيقوله. الإفتراض الأساسي هو الفكرة الرئيسية للعمل وهو الإجابة على الأسئلة المطروحة في العمل. هو إختصار للحبكة لا يمكن بدء الكتابة إلا بالتركيز على الإفتراض الأساسي اللي هتقوم عليه الأحداث. وإلا كان المضمون ناقص ومش واضح.
أحيانا الكاتب بيطبق الأربع نقاط دول بشكل غير واعي. وأحيانا مبيطبقهمش خالص وبيكتب عمل جيد. والحقيقة إن مفيش قاعدة لكتابة الرواية، لكن في اجتهادات جميلة ولطيفة وصل لها المتخصصين من النقاد والروائيين وإحنا علينا نطبق ما يناسبنا، و نخوض رحلة الاكتشاف بنفسنا.
لو عايز تكون كتابتك للرواية أسهل يبقى ضروري يكون عندك أربع عناصر دراما أساسية لأي عمل أدبي.
1-الشغف: الشغف هو الفكرة اللي بتهفو لها روحك، لازم تكون ممتلئ بيها ومش عارف تعيش وانت شايلها، بتؤرقك وبتقض مضجعك، حتى لو كانت بسيطة. صدقها وشعورك العالي بها هو الشغف. وحتى لو إتكررت في عدة أعمال هتقدر تكون طازجة كل مرة.. طالما إنك لم تفقد إيمانك بها. قرأت مرة إن بداخل كل كاتب رواية واحدة يكتبها آلاف المرات. حتى لوتعددت الطرق لكن الشغف بيكون واحد.
2-الرسالة: الرسالة مش مقصود بيها تماما أنها لابد تكون رسالة أخلاقية، لكن أي عمل بلا رسالة هو مجرد بقعة متسعة من السرد. الرسالة هنا معناها جملة واحدة ملخصة عن ما أردت أن تقوله في عملك. رسالة روحية أو اجتماعية أو فلسفية أو إستنتاج أو فكرة ملحّة أو مقولة بتؤمن بها. الرسالة لا تكتب في الرواية لكن تظهر للقارئ من خلال النص. لو دورت في أي عمل أدبي ناجح وعظيم ضروري تلاقي له رسالة حتى لو من كلمة واحدة "ماتخفش" على سبيل المثال. بالطبع ممكن يكون العمل فيه أكتر من عبرة أو رسالة.
3-العلّة: المقصود بيها العيب في شخصية البطل. بدون عيب في شخصية البطل الرواية هتفقد أهم عنصر في الدراما. الأبطال المثاليين شخصيات غير حقيقية ومش ممكن يتعاطف معاهم القارئ أو يشعر بهم لأنهم مش شبهه والقارئ دائما يبحث عن شبيهه. كذلك الأشرار في الأعمال الأدبية ضروري يكون لهم جانب خيّر. العلّة هي سبب تغير البطل ومقاومته ووصوله لنقطة فارقة..وهي سبب كتابة الرواية. على سبيل المثال؛ عدم الثقة في النفس، عدم القدرة على التجاوز، السذاجة، العناد، عدم القدرة على المواجهة، الشعور بعدم الأمان.
4-الإفتراض الأساسي. إذا كانت الرسالة مثلًا "الحب دائمًا يكسب" فالإفتراض الأساسي سيكون "إذا كان حبها قويًا كفاية لإستطاعت أن تكسب حب وحش"، الإفتراض الأساسي هو ما يحدث والرسالة هي ما يعنيه الحدث. الرسالة هي ما يريد أن يقوله الكاتب لكن الإفتراض الأساسي هو كيف سيقوله. الإفتراض الأساسي هو الفكرة الرئيسية للعمل وهو الإجابة على الأسئلة المطروحة في العمل. هو إختصار للحبكة لا يمكن بدء الكتابة إلا بالتركيز على الإفتراض الأساسي اللي هتقوم عليه الأحداث. وإلا كان المضمون ناقص ومش واضح.
أحيانا الكاتب بيطبق الأربع نقاط دول بشكل غير واعي. وأحيانا مبيطبقهمش خالص وبيكتب عمل جيد. والحقيقة إن مفيش قاعدة لكتابة الرواية، لكن في اجتهادات جميلة ولطيفة وصل لها المتخصصين من النقاد والروائيين وإحنا علينا نطبق ما يناسبنا، و نخوض رحلة الاكتشاف بنفسنا.
تمرين كتابي: لو بتكتب عمل روائي جرّب تكتب في صفحة واحدة: جملة عن شغفك بالعمل. جملة عن رسالة العمل. جملة عن علّة البطل. وجملة عن الإفتراض الأساسي للعمل.
No comments:
Post a Comment