"تُخبرنا الرواية الجيدة عن حقيقة بطلها، أما الرواية الرديئة فتخبرنا عن حقيقة مؤلفها"
لما بتستدعي رواية مين اللي بيجي في بالك البطل ولا المؤلف؟
بطل الرواية أو الشخصية الرئيسية (لأنه مش ضروري يكون بطل) هو منافس المؤلف، مش صديقه زي ما هو شائع. وده شعور بيعمل غبطة وغيرة عند الكاتب. إزاي تخلق شخصية رئيسية قوية ومؤثرة وباقية في أذهان الناس؟ شخصية باقية زي السيد أحمد عبد الجواد، زي أليس في بلاد العجائب، مريمة، مدام بوفاري، وغيرهم. تتبع صدقك في الكتابة بالتأكيد لكن كمان في نقاط مهمة هتفيدك لو إتبعتها:
1-البطل مش ضروري يكون موجود في كل مشهد من الرواية، لكن ضروري يكون موجود في كل لحظة في الرواية.. يكون دائما في ذهن القارئ حتى لو بيقرأ عن شخصيات أخرى.
2-اكتب لكل قصة بطل واحد. لو تعددت القصص في الرواية هيبقى في أكتر من بطل لكن إبعد عن فكرة أكتر من بطل في القصة الواحدة لأن ده هيضعف الشخصيات ولأن كل بطل محتاج قصة.
3-البطل هو أول شخص بيطلع على مسرح الرواية. عرّفه من أول صفحة، مش التعريف التقليدي اللي هو فلان شكله كذا وبيعمل كذا وحياته كذا، لكن إتبع تيكنيك Show don't tell عرّف شخصياتك بدون الكلام عنها، من خلال مشاهد وأحداث. طبعًا الظهور الأول للبطل مش قاعدة ومبتحصلش في روايات الجريمة مثلًا. لكنها الأفضل في تعلّق القارئ به.
4-خلي بطلك شخصية ديناميكية، شخصية بتتحرك. محدش بيحب يقرى عن بطل نايم في السرير أو مبيتحركش من على الكنبة طول الرواية.
5- خلي الشخصية عندها علّة ما، أنانية، سلبية، ناقمة.. خليط من الخير والشر، لما القارئ يشوفها بتتغير أثناء الرواية هيتفاعل معاها بشكل كبير ويتأثر برحلتها. خاصة لو كانت أثناء الرواية لها لمحات إنسانية مع الأهل أو الأصدقاء أو المجتمع.
6-متنساش تخلق لها عقدة وتركز عليها. عشان تكون شخصية من لحم ودم، هيكون واقعي ورائع لو خليت عندها عقدة داخلية. عقدة هي غالبًا اللي تسببت في العلّة.
7-لو كنت كتبت لشخصيتك ملف أو خريطة حاول تمشي عليها ومتخرجش عن مسارها. وإذا خرجت عن سمات الشخصية اللي كتبتها مسبقا لازم يكون خروج منطقي، ولازم تغيرها كمان في الملف عشان لما ترجعله تكون عارف شخصيتك زي ما كتبتها مش بس زي ما تخيلتها.
8-إرسم بطلك من نفسك وإخلقه من روحك. مش لازم يكون متطابق معاك في السمات الشخصية، لكن مهم تحط فيه روحك لأنك لازم تكون عارفه زي ما إنت عارف نفسك. لو كتبت كل الشخصيات من خيالك إلا البطل لازم تكتبه من روحك. لاحظ الكتّاب من الصعيد يكتبوا دائما عن بطل صعيدي ومن الريف كذلك ومن الحارة المصرية. هي دي الشخصيت الأكثر صدقا ووصولا للناس، ده ميمنعش إن الكتاب بيكتبوا عن شخصيات أخرى بديعة من عالم غير عالمهم، لكنها مش شخصيات قريبة من القارئ بتكون في ذهنه زي الشخصيات التاريخية. عكس كده هتبان شخصية ملفّقة والقارئ الذكي مش هيصدقها ولا يتعلق بيها.
9- إخلق تعاطف مع الشخصية. حطها في خطر، في مشكلة أو أزمة كبير. خليها مضحية، أوكريمة، أو ذكية. مش مهم أبدًا تكون جذابة. القارئ بيحترم الذكاء أكتر من الجاذبية. وتذكر إنك بتكتب شخصية رئيسية مش بالضرورة تكون شخصية بطل.
لما بتستدعي رواية مين اللي بيجي في بالك البطل ولا المؤلف؟
بطل الرواية أو الشخصية الرئيسية (لأنه مش ضروري يكون بطل) هو منافس المؤلف، مش صديقه زي ما هو شائع. وده شعور بيعمل غبطة وغيرة عند الكاتب. إزاي تخلق شخصية رئيسية قوية ومؤثرة وباقية في أذهان الناس؟ شخصية باقية زي السيد أحمد عبد الجواد، زي أليس في بلاد العجائب، مريمة، مدام بوفاري، وغيرهم. تتبع صدقك في الكتابة بالتأكيد لكن كمان في نقاط مهمة هتفيدك لو إتبعتها:
1-البطل مش ضروري يكون موجود في كل مشهد من الرواية، لكن ضروري يكون موجود في كل لحظة في الرواية.. يكون دائما في ذهن القارئ حتى لو بيقرأ عن شخصيات أخرى.
2-اكتب لكل قصة بطل واحد. لو تعددت القصص في الرواية هيبقى في أكتر من بطل لكن إبعد عن فكرة أكتر من بطل في القصة الواحدة لأن ده هيضعف الشخصيات ولأن كل بطل محتاج قصة.
3-البطل هو أول شخص بيطلع على مسرح الرواية. عرّفه من أول صفحة، مش التعريف التقليدي اللي هو فلان شكله كذا وبيعمل كذا وحياته كذا، لكن إتبع تيكنيك Show don't tell عرّف شخصياتك بدون الكلام عنها، من خلال مشاهد وأحداث. طبعًا الظهور الأول للبطل مش قاعدة ومبتحصلش في روايات الجريمة مثلًا. لكنها الأفضل في تعلّق القارئ به.
4-خلي بطلك شخصية ديناميكية، شخصية بتتحرك. محدش بيحب يقرى عن بطل نايم في السرير أو مبيتحركش من على الكنبة طول الرواية.
5- خلي الشخصية عندها علّة ما، أنانية، سلبية، ناقمة.. خليط من الخير والشر، لما القارئ يشوفها بتتغير أثناء الرواية هيتفاعل معاها بشكل كبير ويتأثر برحلتها. خاصة لو كانت أثناء الرواية لها لمحات إنسانية مع الأهل أو الأصدقاء أو المجتمع.
6-متنساش تخلق لها عقدة وتركز عليها. عشان تكون شخصية من لحم ودم، هيكون واقعي ورائع لو خليت عندها عقدة داخلية. عقدة هي غالبًا اللي تسببت في العلّة.
7-لو كنت كتبت لشخصيتك ملف أو خريطة حاول تمشي عليها ومتخرجش عن مسارها. وإذا خرجت عن سمات الشخصية اللي كتبتها مسبقا لازم يكون خروج منطقي، ولازم تغيرها كمان في الملف عشان لما ترجعله تكون عارف شخصيتك زي ما كتبتها مش بس زي ما تخيلتها.
8-إرسم بطلك من نفسك وإخلقه من روحك. مش لازم يكون متطابق معاك في السمات الشخصية، لكن مهم تحط فيه روحك لأنك لازم تكون عارفه زي ما إنت عارف نفسك. لو كتبت كل الشخصيات من خيالك إلا البطل لازم تكتبه من روحك. لاحظ الكتّاب من الصعيد يكتبوا دائما عن بطل صعيدي ومن الريف كذلك ومن الحارة المصرية. هي دي الشخصيت الأكثر صدقا ووصولا للناس، ده ميمنعش إن الكتاب بيكتبوا عن شخصيات أخرى بديعة من عالم غير عالمهم، لكنها مش شخصيات قريبة من القارئ بتكون في ذهنه زي الشخصيات التاريخية. عكس كده هتبان شخصية ملفّقة والقارئ الذكي مش هيصدقها ولا يتعلق بيها.
9- إخلق تعاطف مع الشخصية. حطها في خطر، في مشكلة أو أزمة كبير. خليها مضحية، أوكريمة، أو ذكية. مش مهم أبدًا تكون جذابة. القارئ بيحترم الذكاء أكتر من الجاذبية. وتذكر إنك بتكتب شخصية رئيسية مش بالضرورة تكون شخصية بطل.
